|
|
|
文章加入时间：2004年10月26日20:38 查看：[ ] |
呢個周二馬會只開咗11場波，唔算太多，變倍器就揀咗三場德甲波嚟過關，其中博多蒙特作客反彈贏波，有三倍，用嚟將賠率變大就最啱。再串埋主場出擊嘅漢諾威同埋波琴齊齊報捷，呢條三串四過關，全中的話有26倍，都可以考慮考慮。
兩支剛剛喺上場聯賽都輸波嘅球隊，多蒙特同哈化柏林今仗碰頭，前者上仗喺主場爆冷吞下漢堡兩蛋，後者作客比勒費爾德就輸0：1。不過今仗多蒙特爭勝決心肯定更大，哈化柏林縱有主場之利都未必頂得住，因為以多蒙特的人腳，有真高拿、艾華頓和路斯基等，近四仗竟只取得四分，在聯賽排第15，以他們堂堂一支德甲勁旅來說，實在太羞家，今仗定必發奮圖強，力挫啱啱輸完波嘅哈化。
至於已連贏三場的漢諾威，主場對凱沙羅頓完全係「執豆咁執」。漢諾威過去兩仗憑史丹度、舒路達、捷雲度奴和梅迪薩卡的入球，合共派了五蛋給對手，狀態大勇，相反凱沙羅頓已有五場未贏過波，三和兩負，球隊無論攻守都唔得，梗係要佢對家。最後波琴主場對近況普通的慕遜加柏，應可重演上季在聯賽主場發揮出色的優點，在今仗全取三分。
|
|
|
|
本站新聞全屬轉載，謹供個人參考！
|
|
