愛華頓阿仙奴「主主」好路數 文章加入时间：2004年10月16日19:42 查看：[大字体 中字体 小字体] 　今期6寶半全場開「英超全餐」，觀乎英超今季戰況，除阿仙奴和車路士兩隊略為超班外，各路大軍實力都非常平均，因此買波時應選氣勢強的球隊，所謂「寧買當頭起」，今期6寶推介就揸住呢個宗旨搵食。   　阿仙奴主場迎戰阿士東維拉，兩隊主客成績和實力相差太遠，呢個「主主」相信大部分球迷都識買。不過除阿仙奴好路之外，愛華頓主場對修咸頓亦都係信心之選，這支「神奇球隊」憑住強勁鬥志和硬朗踢法，現時排喺聯賽第三，上場雖然輸畀熱刺，但經過一周休戰回氣後，可以再顯黑馬本色﹔修咸頓有比亞堤、柏夏斯同高殊三大箭頭等將受傷缺陣。 　布力般流浪對米杜士堡一仗，兩隊近況其實同樣坎坷，不過米堡上場作客打和曼聯後士氣大振，而且球隊近期戰績下滑主因係傷兵太多，今場維度卡同哈索賓基一對星級箭頭齊齊復出咪走雞。 　另一隊今季「驚喜球隊」保頓主場對水晶宮，保頓今季主場二勝二和未輸過，今場揀「主主」、「和主」。最後兩場富咸對利物浦及西布朗對諾域治，都係勢均力敵的賽事，利物浦唔識作客，不過富咸近況亦差勁，「和和」加「主和」夠殺﹔西布朗對諾域治的升班馬大戰應屬五五波，不過西布朗剛開齋可以秤先。     『关闭窗口』 本站新聞全屬轉載，謹供個人參考！