祖記前線「冬眠」讓波咪掂

. 精彩栏目.

祖記前線「冬眠」讓波咪掂

2011-1-13　 [大字体] [中字体] [小字体]

祖記前線「冬眠」讓波咪掂
(文：力奇)

陷入「冬眠」狀態嘅祖雲達斯，今晚喺意大利盃16強主場迎戰卡坦尼亞，咪以為有地利就要捧場，事關佢哋近況真係衰到貼地，前鋒線更加飽受傷病問題困擾，要靠兩老迪比亞路同東尼支撐，冇速度同冇默契下，點樣讓波？今場我捧卡坦尼亞嘅2.4倍「讓球客勝」。（開賽時間：周五凌晨4:00）

卡坦尼亞對賽有睇頭

祖記近4戰只得2和2負，冇晒以往勁旅風範，當中近2仗全敗僅入1球之餘，後防更喪失7球，攻不銳守不穩，認真得人驚。事實上，球隊近期大鬧前鋒荒，首席射手加利亞雷拉已經因傷收咧，伊亞昆達同阿馬利兩個柱躉又肯定因傷缺陣，想入波就只有靠老將迪比亞路同新加盟嘅東尼，呢條鋒線5年前就所向無敵，不過依家就略嫌過氣，未必交到貨囉。至於中場「茅王」菲臘比美路意盃唔使停賽，但有佢喺度同帶個計時炸彈落場又有乜分別？

卡坦尼亞歇冬後同樣兩戰全敗，但作客羅馬輸2:4前線發揮唔差，上仗不敵國米又一度領先，有晒交代。睇番往績，佢哋近4次作客祖記有1勝2和1負成績，見得人o架，今仗守得和有乜出奇？

意盃賽制

今輪為16強賽事，以一場決勝負形式進行，若法定時間內打和，則加時30分鐘，再和則互射12碼分勝負。