打吡戰皇馬強襲馬體會

. 精彩栏目.

打吡戰皇馬強襲馬體會

2011-1-13　 [大字体] [中字体] [小字体]

打吡戰皇馬強襲馬體會
(文：法比加輝)

今晚西班牙盃八強首回合賽事爆發馬德里打吡戰，「銀河艦隊」皇家馬德里喺巴拿貝主場迎戰馬德里體育會。眾所周知皇馬今季主場所向無敵，十四戰全勝，近期飽受信心危機嘅馬體會又點能阻擋「艦隊」強勢？加輝建議捧「讓球主勝」。（now632及660周五清晨5時直播）

卡卡復出「艦隊」仲惡

皇馬今季喺聯賽、歐聯及西班牙盃三項賽事中，十四場主場全勝之餘，更有十二場係贏兩球或以上，比率高達八成半，單睇數據已經值得支持「讓球主勝」。雖然希古恩缺陣，但卡卡復出令前線上有多個選擇，可將入球停不了嘅C朗拿度推前踢箭頭，卡卡則踢番C朗個左翼位，唔使焗出冇料到嘅賓施馬。

反觀客隊馬體會近期多災多難，隊長沙保沙在轉會窗重開後離隊，上場聯賽又以一比四慘敗於靴高斯腳下，令馬體會士氣崩潰，加上教練科里斯亦盛傳將會被炒，一眾哀兵作客巴拿貝，凶多吉少。