. 精彩栏目.
 
 
史浩克有前冇後大無畏
2010-9-10　 [大字体] [中字体] [小字体]
史浩克有前冇後大無畏
(文：朱楓)

今晚德甲重開，打頭陣會由賀芬咸主場對史浩克04。史浩克近期狂掃貨，前鋒亨特拉爾呢場仲好大機會處子登場夥拍前皇馬隊友魯爾攻堅，真係唔睇得都嚇得。可惜佢哋後防問題多多，對住奇兵賀芬咸，隨時前面入埋唔夠後面失，轉玩1.78倍入球大好過！（有線61及202周六凌晨2:30直播）




矢志爭標嘅史浩克04，喺暑假大事擴軍，包括簽入前皇馬射手魯爾，點知一開季竟然落得兩連敗，令人大跌眼鏡。為重振雄風，教練馬加夫早前喺轉會窗關閉前狂掃貨，先後簽入AC米蘭前鋒亨特拉爾、馬體會中場祖拉度、法國後衞柏利斯坦同羅馬尼亞中場迪亞，當中以前鋒亨特拉爾最令人期待，啱啱為荷蘭踢兩場歐國外勁入5球，今晚拍住前皇馬拍檔魯爾，肯定大大提升球隊鋒力。


史浩克熱身賽勁失4球

不過朱楓唔建議呢場捧史浩克客勝，事關呢支德甲球隊近期後防亂晒龍，日前趁國際賽空檔約戰利華古遜，最後竟然大敗0:4，當中客串右閘嘅蒿俊閔更連番出錯，打咗半個鐘就被換出。加上日本後防內田篤人啱啱先歸隊，據報呢場或改用「玻璃腳」梅斯達打右閘，真係聽到都驚。


奇兵賀芬咸簽雷丁新星

賀芬咸早前以2,000萬歐元將巴西新星卡路士伊度亞度賣去魯賓卡山，外間都估佢哋成績會不進反退，點知開季後，賀芬咸竟然兩戰全勝入5球只失1球，暫時同凱沙羅頓並列榜首，盡顯奇兵本色。佢哋喺轉會窗關閉前更成功加碼，由雷丁以520萬歐元買入冰島中場基菲爾施古臣，咪睇小呢位20歲新人，早前喺英冠打咗4場已入2球，今晚對住後防麻麻嘅史浩克，隨時同對面前鋒亨特拉爾鬥入波，話唔定未到半場已經開口大畀大家歎！


史浩克近8戰6開大

‧近8場獲5勝3負，當中有6場開大。




‧前鋒亨特拉爾近2場國際賽勁入5球。賀芬咸近期入波多‧近8場獲6勝1和1負，對上4場勁入12球。‧近4次交手獲1勝2和1負，主場未嘗一敗。




:::相关资讯:::