|
. 精彩栏目. |
|
屯門躉抵讚魏釗返晒嚟
2010-9-10
[大字体]
[中字体]
[小字体]
|
| 屯門躉抵讚魏釗返晒嚟 (文：四眼哥) 今日係「四眼哥」第一次喺《7巴打》出現，希望大家多多支持！今季本地甲組聯賽開咗鑼已經個幾星期，10隊先後亮過相，大家有冇入過場支持本地足運呢？ 喺第一輪賽事中，「四眼哥」有入場睇四海流浪對屯門場波，雖然入場人數700唔夠，但因為深水埗球場場仔細細，有咁嘅入場數字都搞到個場好熱鬧，其中着晒黑衫嘅屯門球迷，由開波嗌到完場、由球隊領先嗌到反輸，幾乎一刻冇停過，畀屯門班球員好大動力，抵讚！相反，主隊流浪嘅打氣團就失色好多，仲要畀「四眼哥」見到一幕，就係有位哥仔去兇一班後生仔（相信係流浪青年軍）：「嗱！你哋再唔幫手打氣，咁下次就唔使你哋嚟喇！我講嘅就係咁多！」 講番場波，季前畀人話係降班膽嘅屯門，雖然場波輸咗1:3，但就畀「四眼哥」留下唔錯嘅印象，除咗幾件塞爾維亞援將表現幾好之外，門將魏釗亦畀人「返晒嚟」嘅感覺，左飛右撲，若果唔係佢，流浪一定唔使贏得咁辛苦！希望佢繼續努力，爭爭氣氣，威畀曾經睇低佢嘅阿姐……同阿哥睇！ |
|
:::相关资讯::: |