|
. 精彩栏目. |
|
賓菲加乘勝追擊甘馬雷斯
2010-9-10
[大字体]
[中字体]
[小字体]
|
| 賓菲加乘勝追擊甘馬雷斯 (文：洪心Dee) 上屆葡超冠軍賓菲加出閘脫腳，開咧頭兩場都輸波而回，直至上仗先至打開勝利之門，成班球員信心亦隨即返晒嚟，今場作客實力一般嘅甘馬雷斯，當然要乘勝追擊，贏波拎3分，如果唔係畀波圖等宿敵拉開分數就麻煩，1.57倍客勝夠穩陣！（開賽時間：周六凌晨3:15） 卡度素搵番入球觸覺 現時聯賽排11位嘅賓菲加，季前賣走主力迪馬利亞同拉美利斯，或者要時間重新組合進攻模式，但經兩場磨合後，班波似乎搵番贏波感覺，尤其係射手奧斯卡卡度素上場搵番入球觸覺，取得本季第一個「士哥」，今場有望再接再厲破門助球隊搶分。睇埋往績，賓菲加作客對親甘馬雷斯都有神勇演出，近6次作客對手取得5勝1和嘅驕人成績，今仗呢3分實食冇黐牙喇！ 另邊廂嘅甘馬雷斯同樣有季初病，上場先取得葡超首勝，一班前線球員個個忘帶射門鞋，現時僅得中場馬些路杜斯卡奴攞到入波，咁樣對住整體實力較高嘅賓菲加唔敢睇好。 |
|
:::相关资讯::: |