|
. 精彩栏目. |
|
地頭龍海灣者專恰鹽湖城
2010-9-9
[大字体]
[中字体]
[小字体]
|
| 地頭龍海灣者專恰鹽湖城 (文：安高) 美職聯聽朝有場獨腳戲，由西雅圖海灣者主場迎戰皇家鹽湖城。雖然話海灣者啱啱輸波，但今仗返回主場就唔同講法，事關佢哋喺自己地頭出擊已經連續錄得3連勝，氣勢一流，加上過往喺主場專食鹽湖城，2.05倍主勝抵捧啦！（開賽時間：周五早上11:00） 射手蒙迪路弗到漏 海灣者目前總排名第8，單計西岸亦只係排第6，今晚遇上總排名第3位嘅鹽湖城，牌面無疑落入下風。但睇番近績，原來佢哋近4場對住同樣來自西岸球隊嘅聯賽係未輸過，取得3勝1和佳績，今仗當然唔可以睇小。再者，佢哋喺主場已經連贏3場，當中嚟自哥倫比亞嘅射手費迪蒙迪路，今季更入咗10個聯賽「士哥」，當中有7粒仲喺自己地頭攞到，狀態唔講得笑。 至於對手鹽湖城上仗贏完紐約紅牛，就創出主場連續22場不敗紀錄，不過睇番作客戰績，其實只係普通料，11戰僅得3勝4和4負。況且，兩名主力中場韋爾莊臣同射手沙保里奧都因為要踢國際賽缺陣，近2次出訪西雅圖又係輸波而歸，今仗睇怕都難逃厄運。 |
|
:::相关资讯::: |