. 精彩栏目.
 
 
奇謀妙計:獨立打反擊「客勝」搵到食
2010-9-9　 [大字体] [中字体] [小字体]
奇謀妙計:獨立打反擊「客勝」搵到食
(文：力奇)

南美球會盃次圈次回合賽事，聽朝會上演一場阿甲球隊內訌，由上季阿甲秋季聯賽冠軍小阿根廷人主場迎戰獨立隊。主隊今季表現持續不振，今仗更會有兩名中場重心缺陣，橫睇掂睇都冇本錢反勝，收復首回合輸0:1失地。小阿根廷人讓波，梗係捧1.65倍「讓球客勝」啦！（開賽時間：周五早上6:30）




小阿根廷人近4戰食白果




阿甲春季聯賽喺8月開咧，挾住秋季聯賽冠軍之名出戰嘅小阿根廷人，表現大幅走樣，至今開季5戰僅得2和3負，真係衰到貼地。連同南球盃不敵獨立隊去計，近4場波仲要係完全冇入過波，球員無論狀態同信心都喺低谷，試問點捧得落手？最慘係佢哋兩名中場主力尼斯圖奧迪高沙同安米尼奧靴南迪斯，分別要代表巴拉圭同智利國家隊踢國際賽缺陣，殘陣出擊，想贏波都有心無力。




獨立隊方面，其實同小阿根廷人都係半斤八両，聯賽5戰同樣未開勝利之門，都係2和3負。唯一好少少嘅係，喺南球盃佢哋叫做憑地利贏過小阿根廷人一粒，今場形勢有利，大可睇定嚟踢，專心打反擊。始終小阿根廷人今仗非勝不可，焗住攻後防漏洞自然多，獨立隊有能力做到坐和望贏㗎！




:::相关资讯:::