|
. 精彩栏目. |
|
南超盃終極戰學生利大鬥數胡
2010-9-8
[大字体]
[中字体]
[小字体]
|
| 南超盃終極戰學生利大鬥數胡 (文：朱楓) 聽朝南美超級盃決賽將會上演次回合，由學生隊主場對利加大學。學生隊為收復失地，近日狂練343陣式，不過利大呢場亦有學生隊剋星巴高斯復出。兩隊鋒力都有保證，一於熱捧1.72倍入球大！（開賽時間：周四早上8:15） 學生隊落後焗攻 首回合學生隊作客利加大學輸1:2，今場一定要贏波先可以捧盃。為收復失地，學生隊近日狂練343陣式，預計馬高斯盧祖同艾雲馬卡今仗將推前一格改打翼衞，有望加強側擊力，但防守自然削弱咗，特別係正選門將奧利安今仗要停賽，本來有傳教練沙貝拿考慮喺日前阿甲對葛度爾古斯時起用欠缺經驗嘅副選施薩泰保達把關為今仗做準備，但最後都冇咁做，呢場波後防隨時風聲鶴唳。 嚟自厄瓜多爾嘅利加大學，係上屆南超盃冠軍，實力唔嘢小。聽朝作客學生隊，更有射手巴高斯同門將杜明基斯傷愈復出，當中以前者復出最有用，事關利大首回合贏波，全靠呢位前上海申花射手梅開二度，呢場對住焗攻嘅學生隊，隨時仲易搵到食！ |
|
:::相关资讯::: |