|
. 精彩栏目. |
|
帕拉尼恩斯當銳平手抵博
2010-9-8
[大字体]
[中字体]
[小字体]
|
| 帕拉尼恩斯當銳平手抵博 (文：力奇) 喺巴甲追到落後榜首富明尼斯只係一分之差嘅哥連泰斯，本來聽朝乘勝追擊作客帕拉尼恩斯，勝望應該唔差，但睇見莊家整個平手盤出嚟，就知實有蠱惑。事關哥連泰斯今仗有半隊主力唔踢得，就算話前線有「肥哨」朗拿度復出，都一樣信唔過，平手盤我捧帕拉尼恩斯。（開賽時間：周四早上9:00） 近4戰3勝嘅哥連泰斯氣勢的確一時無兩，之但係咪畀佢哋上仗大炒魚腩戈亞斯呃到，以為今仗會係十拿九穩，睇番賽前消息，佢哋今仗會有中場迪費達歷高同後衞保羅安德列停賽，隊長後衞威廉馬查度同捷卡奧又未必踢得，中後場防線焗住大執位，仲點信得過先？ 帕拉尼恩斯今季主場僅1敗 前線方面，上仗休戰嘅「乳豬」朗拿度，據聞體能狀況有所改善，今仗有機會復出，不過有睇過佢張大肚腩相嘅朋友，都知佢已經無復當年勇，甚至連跑都跑唔郁，莫講話旨意佢入波啦。最慘係另一個前鋒丹天奴都喺周一操練拉傷左腳，應該唔使預佢，成班波冇前冇後，唔輸都執到啦！ 對手帕拉尼恩斯方面，目前排名第七雖然話爭標唔容易，但要追上第三位嘅山度士都只係差4分。近5場聯賽佢哋攞到4勝1和佳績，狀態同士氣絕對唔差得過哥連泰斯。更重要係佢哋今季主場9戰僅曾1敗，就算話會有中場李安度保連奴停賽，都一樣食得住哥連泰斯。 南美超級盃賽制 今場為次回合，兩回合計打和不計作客入球優惠，將會加時30分鐘，再和則以互射12碼決勝。 |
|
:::相关资讯::: |