. 精彩栏目.
 
 
鹿角2.4倍客W有錢派
2010-9-8　 [大字体] [中字体] [小字体]
鹿角2.4倍客W有錢派
(文：走肖)

日聯盃8強次回合爆發，川崎前鋒今晚喺主場迎戰鹿島鹿角，呢場前鋒有隊長中村憲剛因為被日本國家隊徵召缺陣，中場「大腦閉塞」隨時冇晒創造力，加上形勢上需要焗攻，睇怕好容易被鹿角嘅反擊搞掂，2.4倍客W抵捧。（開賽時間：周三晚6:00）




首回合前鋒落後1:2，理論上未玩完，問題係作為中場大腦嘅中村憲剛入選國家隊今場缺陣，要靠落選國家隊大軍嘅稻本潤一孭飛，形勢上好蝕底，更何況，自從北韓國腳鄭大世轉戰德乙、巴西箭頭連拿天奴扭計想離隊後，前鋒嘅前線兵源明顯不足，傷愈冇耐嘅射手祖尼奴不斷打正選，好易踢到氣咳。


前鋒門將失準

事實上，前鋒近4場得1勝3負，輸波3場每場失2球，證明中堅寺田周平同井川祐輔養傷影響好大，曾經上晒身唔失波嘅「新守護神」相澤貴志，近期已經打回原形冇晒神奇撲救。另一方面，鹿角得中堅岩政大樹要為日本國家隊服役，陣容相對完整得多，起碼隊長小笠原滿男能夠喺中場領軍。




其實鹿角踏入8月份戰績插水得1勝3和2負，主要係受到右閘內田篤人離隊影響，需要重整防線，王牌射手馬昆奴斯又傷埋，搞到前線同後防都有憂慮，不過馬昆奴斯最近已好番，首回合對前鋒仲有份入波，今場前鋒被迫搶攻，佢同拍檔興梠慎三應該大把機會打反擊，客W有2.4倍玩得過。




:::相关资讯:::