. 精彩栏目.
 
 
平手捧帕拉尼恩斯
2010-9-8　 [大字体] [中字体] [小字体]
平手捧帕拉尼恩斯
(文：路西法)

聽朝又有多場巴甲賽事，路西法就睇中帕拉尼恩斯主場對哥連泰斯，其實兩軍狀態都好，其中力爭冠軍嘅哥連泰斯，上仗更以五比一大炒戈亞斯，火力認真強橫。不過，路西法經常都提醒讀者，巴甲係冇球隊識作客，就算強如哥連泰斯，作客一樣冇運行，平手盤揀帕拉尼恩斯啱數。 （周四早上９時開賽）




哥連泰斯上場大炒戈亞斯五比一，路西法都有欣賞直播，老實講能夠大勝全因球證嘅幫助，事關呢位判官非常嚴格，少少身體接觸都已經畀牌，再加上哥連泰斯班友仔又交足戲，所以踢到三十七分鐘，戈亞斯守將阿馬路已經兩黃一紅被罰離場。結果人多蝦人少之下，哥連泰斯咪可以大炒囉，其中一球十二碼更加係插水博番嚟，有「主場之利」果然係唔同啲。


哥軍客勝率低得可憐

不過，哥連泰斯離開自己地頭就冇優惠啦，呢支巴西傳統勁旅今季八場作客之中，只係贏得一場咁大把，得勝率低得可憐，根本信唔過。其實巴甲主場優勢一向明顯，單睇今季作客最叻仔嘅富明尼斯，勝率都係得五成，其餘球隊嘅戰績更慘不忍睹，足證冇一支巴甲球隊作客可以睇高。事實上，帕拉尼恩斯近況佳之餘，主場亦甚有保證，今季五勝三和只係輸過一次，平手盤捧得過。




:::相关资讯:::