. 精彩栏目.
 
 
兩大褪色名牌谷底博反彈
2010-9-7　 [大字体] [中字体] [小字体]
兩大褪色名牌谷底博反彈
(文：Wendy)

兩支喺世界盃表現失望嘅球隊葡萄牙同法國，喺歐國盃外圍賽首戰落筆打三更，葡軍同弱旅塞浦路斯打成4:4，法國更0:1輸畀弱旅白俄羅斯，今晚兩隊哀兵再度上陣，法國作客攻力強橫嘅波斯尼亞，葡萄牙則遠赴北歐硬撼挪威，如果再有乜閃失，不但再一次顏面掃地，甚至出線機會都會大打折扣。到底兩支甩色名牌能夠重振雄風，還是繼續沉淪？


平手盤低水有計撐法國打爭氣波

上星期睇新聞，見我偶像施丹入法國國家隊訓練營，幫舊隊友、依家國家隊領隊白蘭斯同一眾國腳打氣，同行仲有巴夫斯，可見佢兩位都好關心「藍軍」前途，冇咗杜明歷嘅法國隊，似乎齊心咗好多。講開薪火相傳，聽講施丹幾個仔踢波都好似佢咁有潛質，仲已經學識「施丹式轉身」，希望他日佢可以承繼父業，成為未來嘅法國球王啦！


賓施馬復出掛帥

至於依家嘅國家隊雖然有「球王」打氣，之不過歐國盃外圍賽第一場就喺主場輸畀白俄羅斯，嗰場波佢哋都有唔少機會，只可惜前線球員如賀拉奧等把握力不足。




今晚法國喺D組作客波斯尼亞（有線62台周三凌晨3時直播），不利因素雖然多，例如近七場不勝，賀拉奧、沙夏同雷米三大箭頭都受傷，但作為法國粉絲，我會信多佢哋一次。白蘭斯呢位少帥係有料到，同埋今場好消息係賓施馬已經擺脫傷患，今場可以正選上陣。喺現時有多位球員畀國家罰停賽嘅時候，賓施馬算係現役中最有經驗嘅射手，其實法國有質素嘅年輕球員好多，只要白蘭斯用人得宜，深信好快就可以重新嚟過。


波斯尼亞近況差

主隊波斯尼亞上場作客以三比○贏魚腩盧森堡，但佢哋近況唔好得過法國幾多，之前熱身賽對瑞典同卡塔爾都係贏唔到。呢場馬會嘅客勝2.35倍熱過好多歐洲博彩公司，而平手盤中法國就比較低水，唔通有暗示？我認為法國呢場坐和望贏，平手盤揀法國。




:::相关资讯:::