|
. 精彩栏目. |
|
錫周三高水酬賓有蠱惑
2010-9-5
[大字体]
[中字体]
[小字体]
|
| 錫周三高水酬賓有蠱惑 (文：力奇) 英甲今晚有場獨腳戲，由包尾大幡賓福特主場迎戰「一哥」錫周三。雖然話錫周三讓平半高水好着數，但力奇一向唔信有咁大隻蛤乸隨街跳，特別係賓福特今仗會有射手查理麥當奴復出，佢拍檔羅比森遜又腳風大順，恃住主場之利，話唔定可以偷到雞㗎。今場我博1.86倍下盤。（開賽時間：周日晚7:00） 賓福特射手麥當奴復出 賓福特上季喺英甲排第9，實力其實唔算太曳，只係今季開咧唔多順，踢完4場都未開齋確係令人失望。不過，如果就咁睇死佢就似乎輕率咗啲，事關佢哋踢盃賽戰績相當突出，聯賽盃2戰全勝，其中仲贏過英超侯城，上周中佢哋喺英錦標又贏史提芬納治1:0，球員信心唔差，今仗仲話有上季球隊首席射手查理麥當奴復出，配合埋今季已經入咗4球嘅羅比森遜，有足夠火力兼地利，莫講話求不敗，贏埋又有乜出奇？ 錫周三呢邊，由英冠降落嚟表現令人眼前一亮，未計尋晚一輪賽事，佢哋就以4戰得3勝1和排喺榜首添！但要注意嘅係，佢哋至今唯一失分一役，就係作客波對高車士打，再睇埋個盤，「一哥」對包尾都只係讓平半，真係着數得滯，唔想中招，捧主隊應該係上策。 |
|
:::相关资讯::: |