. 精彩栏目.
 
 
法林明高圍剿山度士
2010-9-5　 [大字体] [中字体] [小字体]
法林明高圍剿山度士
(文：亨格比利)

巴甲今晚爆發矚目大戰，由法林明高主場硬撼山度士。無可否認，法林明高嘅近況係衰到貼地，但係呢支里約熱內盧球隊即將暫別舉世知名嘅馬拉簡拿球場，加上新帥施拉斯要省靚招牌，對住有「巴西雙子星」缺陣嘅山度士有權偷雞，2倍主W博得過。（開賽時間：周一凌晨3:00）




馬拉簡拿球場由里約熱內盧市政府擁有，主要係畀保地花高、法林明高、富明尼斯同華斯高舉行大戰。由於要迎接2014世界盃，馬拉簡拿用埋今仗就會封閉，進行為期兩年嘅大翻新工程，法林明高有幸喺封場前出擊，當然唔想掃球迷興啦！


新帥施拉斯誓省招牌

法林明高近9場聯賽有8場失分，會方已經炒咗主帥羅倫高，由前甘美奧教頭施拉斯接掌，佢老人家上周中首度領軍出師不利，以0:1輸畀高士路，今鋪返到主場有必要做番齣好戲省靚招牌。由費倫巴治來投嘅前鋒迪維迪有望處子登場，呢位射手擁有豐富歐洲賽經驗，昔日喺巴甲搵食亦出名多產，今鋪回流肯定會增強法林明高嘅火力。




缺巴西雙子星輸往績




對家山度士最近連贏4場聯賽，風頭可謂一時無兩，不過近4仗攻入3球嘅新星尼馬儲夠黃牌自動停賽，加上巴西「新10號仔」柏保路漢歷基查加斯膝部受創要抖半年，基列臣重返巴甲之後亦都跌晒Watt，山度士嘅鋒力似乎唔多信得過。再講，山度士對上6次造訪法林明高都未贏過，今晚陣容不整唔似惡得出樣，寧博法林明高反彈好過！




:::相关资讯:::