. 精彩栏目.
 
 
祖記重新振作捧得「洛」
2010-7-29　 [大字体] [中字体] [小字体]
祖記重新振作捧得「洛」
(文：重炮手)

經過令人失望嘅一季後，祖雲達斯今季積極振作，除咗搵到前森多利亞主帥迪尼利執教，仲羅致咗蘭沙法美及佐治馬天尼斯兩位翼鋒球員，雙翼齊飛之下，今晚歐霸盃第3圈外圍賽首回合作客出擊，話唔定可以輕取愛爾蘭球會沙姆洛克流浪，1.75倍「讓球客勝」可捧！（開賽時間：周五凌晨2:45）


愛爾蘭沙姆洛克差幾班

祖記季前除咗由烏甸尼斯借用前鋒柏比及後衞馬高莫達之外，仲羅致中堅邦路斯等多名球員，其中上場對里昂嘅熱身賽，教練迪尼利安排新加盟嘅蘭沙法美及佐治馬天尼斯出任兩翼位置，可見對佢兩個相當重視，配合前鋒阿馬利同迪比亞路，祖記本身唔愁無大勝本錢。




至於沙姆洛克流浪，雖然佢哋獲得關照，將原定26號舉行嘅聯賽押後，務求可以最佳狀態迎戰「班馬兵團」，可惜作用未必太大。事關愛爾蘭聯賽水平同意甲差距唔細，即使今鋪有主場之利，只怕都難以創出奇迹。




:::相关资讯:::