. 精彩栏目.
 
 
紅軍強陣打爆基
2010-7-29　 [大字体] [中字体] [小字体]
紅軍強陣打爆基
(文：朱楓)

今晚歐霸盃爆發第3圈外圍賽首回合激戰，其中利物浦會作客馬其頓球隊拉布歷基。由於紅軍近期戰績麻麻，新領隊鶴臣賽前透露今場或派丹尼爾艾格等世盃球星壓陣，擺明想打響頭炮振奮士氣，「讓球客勝」有1.75倍絕對值博！（開賽時間：周五凌晨2:45）




由於要打歐霸盃外圍賽，所以利物浦今季提早踢熱身賽備戰，可惜一班世盃主力缺陣，新領隊鶴臣焗住只能派出G仔，結果繼被草蜢悶和0:0後，日前作客更以0:1不敵凱沙羅頓。




早前鶴臣曾揚言今晚喺歐霸盃作客拉布歷基，可能會派副選應戰，衰在近期戰績實在太曳，鶴臣日前喺官網即刻轉軚，表明唔理軍醫警告，派出部分世盃球星上陣。


謝4冇隨軍阿古蘭尼擔正

喺紅軍出發到馬其頓嘅20人大軍名單入面，雖然謝拉特、加歷查、同新加盟嘅祖高爾都冇隨隊，但丹尼爾艾格、史卡迪爾同基傑亞高斯就喺陣中，仲有新加盟嘅米蘭祖雲奴域同丹尼威爾遜，加埋已經傷愈嘅意大利中場阿古蘭尼，帶住班活力十足嘅G仔嚟踢，隨時有意想不到演出都未定。




對家拉布歷基係馬其頓勁旅，連埋今屆已連續6年打歐洲賽。為咗今場賽事，仲特別將嚟緊禮拜六作客FK斯科普里嘅聯賽揭幕戰，延至下個禮拜一舉行。不過睇番佢哋喺今屆歐霸盃晉級過程，第1圈對住魚腩安道爾球隊路施坦斯，兩回合計大勝11:0，但第2圈對住實力稍為強少少嘅阿美尼亞球隊米卡，兩回合卻只能險勝1:0，擺明唔見得大場面。


拉布歷基兩港甲舊將孭飛

值得一提嘅係，原來拉布歷基有兩名前港甲球員在陣，分別係前南華防中費蘭度同前公民「長人」中鋒F馬斯奧，兩位巴西兵分別身穿7同9號波衫。費蘭度當年隨朗拿度老友卡卡一齊來港「上山」，可惜加盟南華後僅踢2場，就被指唔適合遭解約。呢位防中上場對米卡停賽，今場將會復任正選。至於身高達1米95嘅F馬斯奧，効力公民時經常靠高空攻勢「屈機」，但腳下功夫麻麻，之前兩圈歐霸盃外圍賽都食白果，以佢質素今晚對住紅軍睇怕都好難有運行。




:::相关资讯:::