. 精彩栏目.
 
 
歷代德國轟炸機檢閱
2010-7-7　 [大字体] [中字体] [小字体]
歷代德國轟炸機檢閱
()

德國係足球強國，歷來盛產超級箭頭，而自從70年代梅拿獲「轟炸機」美譽起，每代的德國中鋒都會被視為「轟炸機」的後繼。今日德國「超級轟炸機」高路斯將會展開爆破西班牙的艱巨任務，而幾部已經退役轟炸機齊齊出動，同佢護航打氣。


元祖轟炸機施拉

代表前西德踢過58至70年共4屆決賽周，可惜54年西德捧盃一屆佢年紀太輕，74年奪冠一屆則已掛靴，可謂生不逢時。施拉一生只効力過漢堡一支球隊，退休後曾擔任漢堡會長，佢總共代表西德72次入43球，特點係穩陣可靠，頭槌更係必殺技，故有「金頭」之稱，係德國元祖級轟炸機，梅拿都要叫佢聲師兄。


正牌轟炸機梅拿

代表西德62次射入紀錄性的68球，平均每場入超過一球，效率驚人，故被冠以「轟炸機」稱號。梅拿喺70年世盃射入10球，74年再入4球，協助西德捧盃，兩屆加埋入咗14球，一度係世盃史上累積入波最多嘅球員，直至4年前終被朗拿度超越。高路斯依家都係入咗14球，睇吓佢可唔可以幫德國人攞番呢個紀錄嘞！


二代轟炸機菲沙

梅拿接班人，77至82年間為西德上陣，踢過78及82年世盃，82年準決賽對法國喺加時以「倒掛金鈎」為西德扳平，最後更射贏埋12碼殺入決賽，可惜決賽西德不敵意大利屈居亞軍。菲沙優點係技術全面，頭腳俱佳，32個國際賽入球中，頭槌佔8個，又擅長射出高難度入波，唯一污點係曾涉及假波案而停賽一年。


重型轟炸機賀巴殊

身材高大健碩，頭槌非常強悍，故有「空中堡壘」稱號，但其國腳生涯相當短暫，只曾喺80至82年代表西德，但佢喺80歐國盃決賽梅開二度，助西德勝比利時2:1捧盃，兩年後佢亦是世界盃亞軍嘅成員。退休後佢曾轉任教練，而且相當成功，去年帶領德國U21參戰U21歐國盃，結果喺決賽大勝英格蘭U214:0，勇奪錦標。


金色轟炸機奇連士文

名震中外嘅「金色轟炸機」，呢位靚仔球星代表德國上陣108次，係90世盃同96歐國盃嘅奪標功臣，佢國際賽生涯取得47個入球，累積入球僅次於梅拿及高路斯。奇連士文04年擔任德國領隊，當時好多人都質疑佢嘅能力，結果德國以絕佳表現奪得06世盃季軍季軍，而佢嘅足球理念亦在本屆德國隊身上延續。黃金轟炸機比亞荷夫這位「空中霸王」曾一度因為喺德國撈唔掂而轉戰奧地利聯賽和意乙，在意乙踢咗足3年至重建光明，佢首次為德國上陣時已經28歲，堪稱大器晚成。佢對德國最大貢獻當然係96歐國盃決賽包辦兩球，包括加時射入足球史上首個「黃金入球」，助德國贏捷克2:1捧盃。03年掛靴後擔任德國隊經理，主要負責公關事務。




:::相关资讯:::