|
. 精彩栏目. |
|
巴西明恰葡萄牙
2010-6-25
[大字体]
[中字体]
[小字体]
|
| 巴西明恰葡萄牙 (文：樂比堅尼) 今晚世界盃G組巴西對葡萄牙，呢場原本係分組賽最矚目一戰，點知死亡之組一啲都唔死亡，巴西提早進身十六強，葡萄牙出線亦好穩陣，今場變成半例行公事。不過，巴西同葡萄牙甚有淵源，巴西向來以足球王國自居，唔會畀位葡萄牙攻陷，樂比仔今場捧巴西W。（有線61台周五晚10時直播） 目前G組形勢好簡單，巴西兩戰兩勝已出線，葡萄牙四分數字上仲未晉級，不過上場大炒北韓後，有九球得失球優勢，相信科特迪瓦就算贏波，都好難過頭。至於首兩名之爭意義亦唔大，因為十六強對手H組形勢混亂，仲未知邊兩隊出線，故基本上亦唔使諗咁多。 森巴後備兵博出位 巴西曾經畀葡萄牙統治超過三百年，深受葡萄牙文化影響，不過講到足球，巴西先係名門正宗。雖然葡萄牙有大量巴西球員搵食，但巴西人向來不屑葡萄牙嘅足球水準，佢哋認為只有迪高、比比、列特臣呢啲永遠冇機會代表巴西嘅球員，先會歸化成為葡萄牙國腳。歷史上兩軍交手十八次，巴西贏過葡萄牙十二次，當中包括兩年前交手，巴西大勝六比二，可見巴西對住葡萄牙絕對唔會留情。 巴西今場有卡卡停賽，艾蘭奴有傷，預計領隊鄧加會派部分後備落場，保留實力喺十六強搏殺。不過巴西二線兵一向有料到，好似平時冇乜機會落場嘅丹尼爾、拉美利斯、巴迪斯達及尼爾馬，應該會把握機會表現自己，另外表現活躍嘅羅賓奴仲未有士哥，而路爾斯法比安奴則努力向金靴獎進發，所以兩人都會全力爭取士哥。 葡軍留番啖氣砌16強 葡萄牙心態上冇巴西咁想贏，一來佢哋嘅目標只係出線，首、次名冇乜所謂，二來葡萄牙嘅後備力量唔及巴西，今場搏得太盡，十六強輸波仲衰。葡萄牙上場贏北韓唔係打得好，只係對手突然喺下半場崩潰，所以用番第一場對科特迪瓦普通嘅表現嚟評估佢哋最啱，睇怕葡萄牙今屆世盃都難有運行。 G組出線條件 賽果 出線隊伍葡萄牙勝∕北韓任何賽果 葡萄牙首名∕巴西次名葡萄牙和∕北韓任何賽果 巴西首名∕葡萄牙次名巴西勝∕北韓勝或和 巴西首名∕葡萄牙次名巴西勝∕科特迪瓦勝 巴西首名∕葡萄牙與科特迪瓦計算得失球差 |
|
:::相关资讯::: |