|
. 精彩栏目. |
|
丹麥空襲日本
2010-6-24
[大字体]
[中字体]
[小字体]
|
| 丹麥空襲日本 (文：蘇豪) 世界盃E組最後一輪分組賽，丹麥於勒斯滕堡面對日本，丹麥必須贏波先可以出線，今場將以長傳急攻戰術空襲對手。日本之前兩場守得好，皆因對手「禮讓」唔踢高波，丹麥今次生死關頭勢炸散日本，捧2.05倍丹麥Ｗ！ （有線63台周五凌晨2時30分直播） 目前日本及丹麥同得三分列E組二、三位，日軍得失球差較佳佔先，今場唔輸已可晉級，料會貫徹主守踢法，一味死頂爛頂。丹麥進攻模式單調，但勝在簡單直接，今場會針對對手弱點，利用兩翼干查同羅美度拉開對手防線傳中，中間搵雙塔湯馬臣同賓特拿狂撼，無論生波定死球都準備食胡。 日軍勤練制空力 日本統帥岡田武史明知丹麥會發動空襲，所以近日已勤加練習應付高空攻勢，希望力抗對手來襲。中堅田中鬥莉王重拾信心，近仗頭頂腳踢非常sharp醒，大軍中後場壓迫亦做得唔錯。不過，日軍防線頭兩場從未真正面對空襲，今次生死關頭受到重大考驗，分分鐘畀人炸到散晒。 今場丹麥守將卡積亞要坐波監，此子陣上甩漏甚多，唔在陣更佳。射手賓特拿上場取得士哥，「中堅賓」於國家隊有料到，無論田中鬥莉王或中澤佑二都好難頂得住，丹麥有力贏波晉級。 |
|
:::相关资讯::: |