|
. 精彩栏目. |
|
法國成盤散沙難啃墨西哥
2010-6-17
[大字体]
[中字体]
[小字体]
|
| 法國成盤散沙難啃墨西哥 (文：朱楓) 法國上場對烏拉圭表現有幾曳，相信大家都有目共睹，賽後連「球王」施丹都忍唔住鬧「高盧雞」唔係路，練波又唔獲球迷支持，最慘後防大將加拿斯仲因傷有可能緣盡世盃，今晚喺A組第2場分組賽對住墨西哥呢棵生滿「攻擊」刺嘅「仙人掌」，真係隨時劖刺，一於捧1.67倍「讓球客勝」！（有線61、64、中央1及5台周五凌晨2:30直播） 近排備受傳媒同球迷抨擊嘅法國，喺首場分組賽果然冇起色，同烏拉圭互交白卷。其實法國全場有成20次射門，可惜冇波入。據《巴黎人報》嘅消息，領隊杜明歷今場會變陣，改打442或433陣式，用亨利代替安歷卡攻堅，列貝利會由左路移去右路取代上場表現曳到爆嘅高禾，哥古夫就掟入雪櫃，至於馬隆達就會打番最擅長嘅左翼。 後備門將退隊補選被拒 不過法國球王施丹近日就指法國打得咁曳，其實罪魁禍首係杜明歷，鬧佢唔配做領隊，隊波完全冇合作性可言。58年世盃幫法國射入13球嘅名宿方亭更點名鬧哥古夫失去方向，列貝利太獨食。 事實上，法國自上年11月後，前線嘅主力攻擊球員再冇入過波。日前法國進行南非首課公開練波，本來請咗400人去睇，點知最後只得100人出席，喺練波時中堅加拿斯同後備門將卡拉素都缺席，據講前者因為拉傷肌肉，唔止今晚缺陣，可能緣盡世界盃；卡拉素拉傷大腿直頭宣布退隊，雖然法國足總已向國際足協申請補選摩納哥門將魯菲亞，但由於法國已打咗1場比賽唔合資格，國際足協已經拒絕，認真擇使！ 馬基斯復出續打3箭頭 對家墨西哥上場對住東道主南非，冇畀主場球迷嚇窒不特止，全場更喪攻對手，長期擺3個前鋒喺對方後防唔使佢哋返後，最後喺落後一球下逼和1:1，賽後南非領隊彭利拿話墨西哥嘅陣式可能係今屆世盃最大膽嘅陣式。雖然睇落好多漏洞，不過墨西哥領隊艾古爾表示今仗會繼續踢進攻足球，打3箭頭強攻法國，仲揚言有信心贏波。其實又唔怪得佢咁大口氣嘅，事關後防大將馬基斯等7名球員經已傷愈，今晚全部可以復出，只要打醒十二分精神，唔好話和波，真係隨時贏埋都唔奇！ (子貝)飛球星 亨利（法國前鋒）‧臨危受命隨住法國陷入球荒，今晚會臨危受命。雖然今季喺巴塞缺乏比賽狀態，但勝在經驗老到轉數快，呢場隨時成為球隊救世主。馬基斯（墨西哥中場）‧攔截到家有別喺巴塞打中堅，馬基斯喺墨西哥好多時擔任防守中場，除咗攔截到家，罰球亦有一手。今晚對住球會隊友亨利，肯定有一番惡鬥。睇非搵食法國走勢上揚唔睇好法國高墨西哥半班波，但係佢哋响揭幕日演出好曳，今場波又話變陣出擊，畀人立立亂嘅感覺，所以早飛得百零萬咁少唔奇，因為多數球迷都睇唔通，由法國W走勢上揚去睇，墨西哥受讓不妨一敲。非常論戰法國後衞艾比度「今晚對墨西哥非勝不可，因為我哋一定要突破分組賽。喺世界盃呢啲咁高水平嘅賽事，好多時勝負取決於好少細節，我相信會以一球定勝負。」墨西哥中場托拉度「我哋對法國會以勝利為目標，雖然對方群星拱照，但落到場其實咪又係11個對11個！我哋個個都係戰士，絕對唔會驚佢哋㗎！」法國後備4. 雷維李尼5. 加拿斯 6. 柏蘭奴斯8. 哥古夫9. 施斯10. 高禾11. 基格納16. 文丹達18. 迪亞華21. 安歷卡22. 基捷基治23. 卡拉素墨西哥後備7. 巴里拉8. 艾斯里奧卡斯度9. 法蘭高10. 白蘭高13. 奧祖亞15. 赫達摩蘭奴18. 古亞達度19. 馬加隆20. 托利斯尼路21. 阿道夫巴迪斯達22. 麥甸拿23. 路爾斯米高法國火力弱少攻「細」‧近8場獲得3勝2和3負，對上6場4度食白果。‧近7場比賽，有6場開出入球細。墨西哥每場至少入1粒‧近8場獲得5勝1和2負，平均每場至少入1粒。‧世界排名第17，比法國僅低8位。上場數據射門：16射3中角球：5次傳送：561次傳送成功：447次犯規：13次被侵犯：17次黃牌：2張紅牌：0張首球推介墨西哥揚言今場將繼續打433陣式，杜斯山度士應該會係正選，此子上場表現活躍，全場射門多達4次，入唔到波實在欠運，今場首球有成11倍，值得捧場。至於法國中場馬隆達上場後備入替後亦有唔錯表現，今仗不妨留意。 |
|
:::相关资讯::: |