. 精彩栏目.
 
 
大象兵團撞散日本
2010-6-4　 [大字体] [中字体] [小字体]
大象兵團撞散日本
(文：蘇豪)

今日黃昏有場世盃熱身賽，日本同「大象兵團」科特迪瓦於中立場瑞士交手，今場改以三節形式進行，足智彩及外地博彩公司Bwin等都冇開盤。日軍上場兩度擺烏龍輸畀英格蘭，暴露後防球員騰雞弱點，今次遇上科特迪瓦王牌射手杜奧巴，情況唔多樂觀。 （有線足球台61周五晚６時20分直播）




日本上場熱身賽一比二不敵英格蘭，整體表現冇乜進步，英軍踢得唔算肉緊，但日本班守將騰騰震，中堅中澤佑二同田中鬥莉王各擺一次烏龍，搞到反勝為敗。今次面對杜奧巴同沙洛文卡勞，兩人踢法更具侵略性，班後衞肯定有排忙。


日本三連敗損士氣

科特迪瓦現時由名牌教頭艾歷臣帶隊，上場艾帥首次領軍同巴拉圭踢成二比二，星級射手杜奧巴都有士哥。賽後艾歷臣讚大軍頭半個鐘踢得好，但尾段唔夠集中失番兩球，希望球員可以注意呢點。科特迪瓦中後場擁有托尼兄弟、伊保爾同索高拿等悍將，踢法非常硬淨。




日本近三場熱身賽都輸波，四月初主場對科特迪瓦二隊淨吞三蛋，前仗主場對南韓輸○比二，加埋上場不敵英格蘭，現時士氣非常低落，今次遇上非洲勁旅科特迪瓦，勢必會捱打，相信今場輸波機會好高。




:::相关资讯:::