|
. 精彩栏目. |
|
曼城夠質素進軍歐聯
2010-4-24
[大字体]
[中字体]
[小字体]
|
| 曼城夠質素進軍歐聯 (文：江忠德) 阿仙奴輸畀韋根之後唔單止冇得爭冠軍，仲有可能畀熱刺同曼城追上第3位，佢家陣傷兵滿營，連雲格都束手無策，曼城點會唔乘人之危，炸散兵工廠殘缺防線保住爭奪歐聯參賽資格。 阿仙奴對韋根臨尾香，再次顯示出班小將思想唔夠高度集中，關鍵時刻心理同抗壓力唔掂，結果將之前努力化為烏有。當然，兵工廠前中後三線骨幹散晒影響都好嚴重，老人防線比賽尾段謝晒，缺少法比加斯中場戰鬥力直線下降，對住中下游球隊仲可以恃強凌弱，但係咁陣容對強隊就冇運行。 曼城對曼聯衰收尾只有怪臨場表現太過緊張，其實成場波形勢唔差，只不過進攻過於急躁，經一事長一智，呢場作客睇定踢效果應該會好好多，事關曼城球星腳法一流，中場控制力亦比較強，吼準反擊機會隨時有斬獲。 中場控制力強 依家擺曼城球員面前係一幅美麗圖畫，只要殺入下季歐聯，身價自然水漲船高，而高質素球員金錢攻勢下自然送上門，順順利利話，曼城或者會成為歐洲最頂尖球會之一，但係最緊要先過阿仙奴呢關。 |
|
:::相关资讯::: |