波琴將帥不和死到直
史特加踩行副偈衝歐聯
(文：蘇斯黑柴)

今晚德甲獨腳戲強弱懸殊，近況低沉波琴主場迎戰弗到漏油史特加，無疑係螳臂當車，黑柴相信史特加可以輕鬆取勝，1.7倍客Ｗ固然穩陣，進取捧埋2.8倍「讓球客勝」。（有線體育台62周六凌晨2時30分直播）




史特加係次循環德甲最佳球隊，今年踢十四場聯賽贏十一場，近期更五連勝銳不可當，包括作客贏班霸拜仁同上仗力克利華古遜，目前排第六，取得來屆歐霸盃入場券形勢樂觀，球隊上下甚至有夢想衝擊來屆歐聯，現時距離第三位雲達不來梅只有四分，仲有三輪賽事乜都有可能，皆因餘下對手實力唔強，所以會方已經定下明確目標：未來三仗全取九分。
史特加出名「青年近軍」近四季都德甲顯示強橫後勁，目前大軍人腳整齊，前線卡卡奧同馬利卡都弗到爆燈，雖然勤力前鋒普格恩耶克停賽，但佢上仗對利華已經淪為後備，缺陣對球隊攻力未有削弱。


波琴練無能打天才波

波琴情況相反，近況沉得緊要，少帥靴列治已經過執練蜜月期，近七場聯賽只得一分，和波一仗作客面對同樣護級弗賴堡，全場畀人·住打，唔輸真係要還神。
靴列治冇德甲執經驗，近日傳媒同球員都對佢猛烈抨擊，話佢賽前淨係識叫球員加油，但點踢法並冇明確指引，球員落場只係踢天才波，可惜呢班波質素庸劣冇個天才，近期連首席射手施斯達克都踢到冇晒信心，前線啞火防線又不穩，戰績直線下滑，球會上下都對護級抱悲觀態度，今晚面對全德甲最弗史特加，真係想輸少都難。