|
. 精彩栏目. |
|
日本大開殺戒 (走肖)
2011-1-13
[大字体]
[中字体]
[小字体]
|
| 日本大開殺戒 (文：走肖) 唯我獨尊係本田圭佑一貫形象，今晚亞洲盃B組日本喺卡塔爾對敍利亞，賽前本田圭佑主動同香川真司講和，諗計點樣增加佢哋嘅默契，希望挽救日本喺亞洲盃嘅前途，肯向現實低頭值得一讚，信得過東瀛「新國寶」+「新10號」嘅威力，一於捧1.92倍入球大。（now671台、中央5台及廣東體育周五凌晨0:15直播） 鬥敍利亞挑戰千球大關 敍利亞日前半爆冷以2:1擊敗3屆冠軍沙特阿拉伯，而且全場踢得好積極，證明外圍賽壓倒中國以首名出線唔係符碌。不過敍利亞喺亞洲盃開幕前兩個星期至換教頭，軍心仲係立立亂，就算有本事攻入日本，都好難保持清白，有利開大益街坊。 日本首戰補時至入波逼和約旦1:1，打唔出新教練沙哲朗尼嘅「超攻擊」風格，日前練完波，本田圭佑專登同香川真司密斟，商量點樣提升佢哋嘅威脅力，而且日本國家隊嘅入球紀錄，差3球就達到1,000球大關，相信本田同香川今場會更肉緊，加上酒井高德同慎野智章上星期因傷退隊，中澤佑二同田中鬪莉王因傷冇入選，後防傷兵問題令沙哲朗尼失晒預算，入得又失得玩大有着數。 |
|
:::相关资讯::: |