. 精彩栏目.
 
 
江原防守曳 搵全北做大騷 (樂比堅尼)
2010-9-10　 [大字体] [中字体] [小字体]
江原防守曳搵全北做大騷
(文：樂比堅尼)

為遷就亞冠盃關係，全北汽車主場對FC江原嘅韓職賽事，安排提前於周五舉行。近年南韓球會對亞冠盃愈來愈重視，故之前嘅分組賽，都出現過聯賽留力現象，畢竟韓職去到六強賽先到戲肉，全北汽車只要保住前列位置便達成目標，今場熱W唔抵玩，捧大盤好過。 （周五晚6時開賽）



上屆韓職總冠軍全北汽車近期征戰頻繁，狀態略為回落，近六場輸咗四場，當中包括韓聯盃決賽輸波，以一隊班霸嚟講，咁嘅成績真係唔收貨。教練崔康熙自知問題所在，喺亞冠盃八強大戰前夕，好有機會留有一手，大家要小心提防。



事實上，全北汽車近十仗主場雖然取得九勝一和佳績，但值得留意係近四仗主場，都係險勝一粒，而且後防失波甚多，故即使今仗兩隊牌面上實力懸殊，但「讓球主勝」絕對唔抵玩。

周末睇好FC首爾

上季先成立嘅FC江原，一直係性感足球追隨者，失球數字喺韓職排第二，但又有一定進攻能力，而兩隊歷來四次交手，平均炮製5.25個入球，今場捧大啱數。



周六賽事方面，FC首爾目前落後榜首嘅濟州聯一分，佢哋聯賽主場已創下八連勝，當中有六場力保不失，個績咁靚，對住下游球隊FC大邱，贏兩粒絕對係基本消費。

韓職推介

全北汽車（大）FC首爾（讓球勝）FC慶南（勝）


:::相关资讯:::