|
. 精彩栏目. |
|
水手主場再展雄心 (Tami)
2010-9-10
[大字体]
[中字体]
[小字体]
|
| 水手主場再展雄心 (文：Tami) 點解足球會成為世界上最觸動人心嘅運動？我相信同佢變幻莫測嘅戰況同賽果有好大關係，未到最後一刻都仲有機會反敗為勝，如當年曼聯反勝拜仁最為經典。現時澳職榜首居然係上季包尾、如今開季五戰不敗嘅阿德萊德聯，簡直一洗頹風，你話季前點會估到。講番今日賽事，中岸水手近況都唔錯，所以今日對墨爾本雄心，可以信一信水手！ （有線64台周五晚６時直播） 中岸水手上仗主場對住墨爾本勝利，不停用死球炮轟對方，上下半場各入一球，表現令人滿意，開季至今兩場主場不敗，比起上季水準不穩有進步。前鋒仍然有麥比連同麥西蒙兩人攻堅，而後防方面表現都不錯。而且佢哋傷兵都並非正選主力，影響唔大。今場理應保持近況穩定表現，可小勝完場。 雄心殘陣難睇好 墨爾本雄心上場主場贏咗北昆士蘭風暴，都要讚一讚門將柏斯菲特，全靠佢撲救出唔少險球，先可以力保雄心全取三分。但雄心今場多主力受傷，如箭頭阿歷士泰拿、翼鋒禾姆同中場史高高未必可以上陣，教頭雲特舒普都好頭痛咁話，暫時未有球員可完全代替佢哋嘅位置。另一個箭頭艾萊斯亦有傷在身，只可以紮住踢，威力減半。守將比奧甘雖然今場可傷愈復出，但始終休息多時，而且缺席多次操練。雄心作客環境下難有作為，中岸水手值得支持！ 新紮女名家Tami曾經係兼職模特兒，幕前演出駕輕就熟。城大建築系畢業後，唔行天橋唔落地盤，反而投身球彩台主持行列，放眼球場研究波盤。 Phone波熱線：1831678 球彩電郵：soccer64@cabletv.com.hk開放時間：下午5:35至晚上8:00，晚上11:00至12:00中岸水手 讓球盤：上盤 |
|
:::相关资讯::: |