. 精彩栏目.
 
 
雄心「客勝」搶分 (力奇)
2010-9-10　 [大字体] [中字体] [小字体]
雄心「客勝」搶分
(文：力奇)

今日早場有澳職同韓職上演，想打響頭炮迎周末，墨爾本雄心會係力奇嘅心水推介。佢哋上輪澳職啱啱打開今季勝利之門，氣勢大好，今輪作客去到中岸水手，後者素來表現飄忽，由上季開始僅只一次試過連捷。今場水手讓波，仲要搵個18歲小將把守大門，真係要唔過㗎，我捧1.72倍「讓球客勝」！（有線64周五晚6:00直播）



中岸水手上季排第8，實力唔算突出。新球季個頭雖然開得唔差，至今5戰得2勝2和1負，但班波最大問題係水準唔穩定，對上一次取得正式賽事連捷，竟然已經要倒數到舊年11月，仲要係上季全季僅一次連贏兩場，家陣上場佢哋贏完墨爾本勝利，想過多口贏埋墨爾本雄心，機會似乎唔多樂觀喎！



更令力奇擔心係，水手個正選門將雲史特坦因傷已經肯定提早收咧，雖然話頂上嘅18歲小門將馬菲賴恩接替後，表現唔太曳，對上兩場只失1球，但話晒踢頂級聯賽壓力大，可唔可以場場維持到，真係好難講？



再者，佢哋個前鋒柏迪斯奧佩雷斯今場要停賽，前線火力減，後防壓力亦會同時增加，要贏波真係唔易。



雄心呢邊，今季首戰澳職，苦戰5輪終於開齋，球隊士氣大增，隨時可以踢出超水準繼續搶分。好消息係，後防主力比奧甘缺陣兩仗後，今仗又會復出，加埋中場新星歷克卡爾馬連續兩場入波，腳風大順，爆冷唔係奇事。

全北往績食住江原

另外，韓職早場會有全北汽車對FC江原，對上3次交手，全北都係贏波一方，今仗就算有後衞崔喆淳停賽，1.62倍「讓球主勝」都一樣捧得過。（開賽時間：周五晚6:00）


:::相关资讯:::