. 精彩栏目.
 
 
馬里博爾主W唔怕跟 (蘇斯黑柴)
2010-7-29　 [大字体] [中字体] [小字体]
馬里博爾主W唔怕跟
(文：蘇斯黑柴)

歐霸盃第三圈外圍賽首回合，斯洛文尼亞嘅馬里博爾主場對蘇格蘭喜伯年，大家睇咗蘇超多年，當然對喜伯年較為熟悉，不過絕對唔可以輕視馬里博爾嘅實力，主隊賽前不斷落飛，信心十足，黑柴推介1.85倍嘅主W。 （周五凌晨2時30分開賽）



斯洛文尼亞係歐洲小國，國內甲組聯賽只得十隊角逐，不過該國足球水準近年有飛躍進步，在剛結束嘅南非世界盃決賽周有令人驚喜演出，講足球水準，已經唔會比每況愈下，連世盃決賽周都入唔到嘅蘇格蘭差。

球評家讚飛躍進步

黑柴嘅網友Macot係國際知名嘅網上球評家，佢正係斯洛文尼亞人，而且曾經居住喺馬里博爾主場附近民居超過二十年，佢話馬里博爾雖然只係上屆斯洛文尼亞聯賽亞軍，但今屆實力更進一步，已凌駕上屆冠軍高柏之上，陣中兩名後衞迪辛歷同費歷高域，係僅有嘅兩位於本土聯賽効力嘅斯洛文尼亞世盃決賽周代表，巴西射手泰華利斯當選上屆聯賽最佳球員，陣中仲有大批斯洛文尼亞U21代表，Macot話睇咗佢哋上圈兩回合贏匈牙利維迪奧頓嘅賽事，認為呢支係近十年來最具侵略性嘅斯洛文尼亞球隊，甚有信心闖過名氣比佢哋大得多嘅喜伯年一關。

喜伯年未上力蝕章

喜伯年上屆蘇超排第四，但已全無威脅，不但畀班霸格拉斯哥流浪同些路迪大拋離，甚至季軍登地聯都掟甩佢哋九分，作客成績曳向來係死穴，何況蘇超未開咧，喜伯年仲未踢過一場正式賽事，比起已經踢咗一場國內超級盃、兩場聯賽同兩場歐霸盃嘅馬里博爾，上力程度點都差一截，首回合作客形勢處下風，今場歐洲多家博彩公司已經將主Ｗ由2.2倍下調至約1.8倍，馬會開出1.85倍已經唔算低，值得捧場。


:::相关资讯:::