. 精彩栏目.
 
 
利物浦細抵過Ｗ (蘇豪)
2010-7-29　 [大字体] [中字体] [小字体]
利物浦細抵過Ｗ
(文：蘇豪)

歐霸盃第三圈外圍賽名牌球隊陸續登場，英超勁旅利物浦首回合作客馬其頓大軍拉布歷基，主隊明知唔夠揪，肯定疊埋心水打九○一玩死守，「紅軍」季初仲未操起狀態，作客開熱Ｗ唔抵玩，蘇豪認為今場捧有分頭嘅細好過！ （周五凌晨2時45分開賽）



利物浦個個都識，今次先介紹拉布歷基，呢支馬其頓球會於當地名氣甚大，近五年三奪聯賽冠軍，但多番衝擊歐聯同歐霸盃都失敗而回，擺明同歐洲較高水平仍有一段距離，今次遇上惡爺利物浦，球會基本上打定輸數。不過拉布歷基頭兩圈歐霸盃外圍賽順利過關，而且一球不失，防守都算穩健，今場縮晒去後面，相信唔會大敗。

紅軍未齊腳難大炒

「紅軍」改由鶴臣領軍後首次於正式賽事亮相，有冇料到今晚睇過至知。睇番大軍近期熱身賽演出，確實唔多開胃，對住草蜢同凱沙羅頓一和一負，仲一球都入唔到，新兵米蘭祖雲奴域表現平平，射手費蘭度托利斯仲度緊假，要靠盧卡斯同尼高治等二打六擔大旗，今仗小勝算有交代。



利物浦新帥鶴臣近期忙於搞轉會，最新消息係佢透露已經成功留住托利斯，不過中場馬斯真蘭奴表明希望離隊，鶴臣早已表明會集中火力爭聯賽，歐霸盃只屬次要賽事，現階段大軍開操冇耐，仲需要時間磨合，對住拉布歷基隨時老鼠拉龜。今場「紅軍」被熱捧，客勝賠率低至1.22倍冇肉食，估計兩隊會合演悶戰，捧有2倍入球細仲好分。

歐霸外圍賽晉級有排打！

歐霸盃外圍賽共分四圈，今輪係第三圈，共三十五場賽事。三十五支勝方會連同二十四支種子隊、再加十五支歐聯第三圈外圍賽負方，共七十四支球隊參與第四圈外圍賽，然後決出三十七支隊伍，連同衞冕冠軍馬德里體育會、再加十支歐聯第四圈外圍賽負方，一共四十八支球隊進身分組賽階段。



:::相关资讯:::