. 精彩栏目.
 
 
前鋒死火山神主場守「細」好 (朱楓)
2010-7-28　 [大字体] [中字体] [小字体]
前鋒死火山神主場守「細」好
(文：朱楓)

今晚日職加開快車，其中山形山神會喺主場迎戰川崎前鋒。雖然計實力前鋒秤先，不過山神主場一向表現唔曳，預計呢場對住喺鄭大世離隊後鋒力大減嘅前鋒，會大踢穩守突擊，以唔失波為首要目標，入球細有2.05倍值捧！（now633台周三晚6:00直播）

鄭大世離隊前鋒入波少

山形山神日前作客大阪櫻花，結果以0:3大敗，不過今晚返番主場，相信會有脫胎換骨演出，事關山神開季至今聯賽主場獲3勝1和2負，以一支升班馬嚟講算係唔錯。佢哋憑住穩守突擊戰術，雖然只入得6球，係目前日職主場入波最少球隊，但後防亦同樣只失6球，預計呢場喺中場秋葉勝停賽，但有後防小林亮傷愈可望復出下，前鋒要入佢哋波唔係咁易。



川崎前鋒一向被譽為日職鋒力最強球隊，但隨住近期先後有前鋒鄭大世同門將川島永嗣出國搵食後，踢法明顯保守咗，對上4場聯賽只入得3球，上場要去到完場前1分鐘，先憑後備前鋒祖尼奴入波險勝1:0，預計今晚喺中場森勇介繼續被球會內部處分停賽下，隨時又陷入老鼠拉龜情況，玩吓手畀山神悶和亦唔奇！



:::相关资讯:::