. 精彩栏目.
 
 
阿積士齊腳炒起ＰＡＯＫ (麥馬拿仁)
2010-7-28　 [大字体] [中字体] [小字体]
阿積士齊腳炒起ＰＡＯＫ
(文：麥馬拿仁)

歐聯第三圈首回合今上演八仗，阿積士主場撲擊希臘球隊ＰＡＯＫ，唔只贏一粒。「世盃英雄」蘇亞雷斯、雲達韋爾剛回歸球隊有機上陣，挾去季主場聯賽九成五勝率，誓要四年後重返歐聯舞台。ＰＡＯＫ內部立立亂，剛炒新教練人心惶惶，「讓球主勝」走唔甩。 （周四凌晨２時45分開賽）



歐聯外圍賽共分四圈，阿積士上次打入分組賽，已經係○五至○六年球季，本季極渴望再打分組賽，極具晉級決心。於前熱刺領隊祖爾帶領下，上季球隊取得荷甲第二，但齋計主場就係第一，十七場聯賽十六勝一和，得勝率近九成五。得失球方面更加犀利，得六十四球僅失四球，喺主場福地簡直無敵。

蘇亞雷斯有望上陣殺敵

加上阿積士期喜訊重重，除祖爾宣布留隊外，陣中烏拉圭神射手蘇亞雷斯，以及荷蘭亞軍隊正選右閘雲達韋爾已經歸隊，為帶領球隊殺入歐聯，今戰有機會披甲。同時球隊最近連贏兩場熱身賽，當中轟入十球，對手更包括車路士。阿積士質高態勇，今戰不勝無歸。



ＰＡＯＫ僅屬希臘第三，而且領導層混亂不堪，前任教練巴列達六月上任，做咗個零月竟於日前被炒，新帥迪米薩基斯剛上任唔知頭唔知路，去到荷蘭盞做炮灰。



另一戰摩爾多瓦冠軍舒列夫，唔怕克羅地亞球隊薩格勒布戴拿模。客軍靈魂前鋒文杜素錫未能披甲，球隊數胡能力大減，讓唔起主隊，要下盤。



而瑞士年青人變賣主力表現走晒樣，費倫巴治就算作客兼有主力古爾沙缺陣，作客仍有力贏波，小讓平半好路。


:::相关资讯:::