|
. 精彩栏目. |
|
烏尼雷亞唔赦辛尼特 (朱楓)
2010-7-27
[大字体]
[中字体]
[小字体]
|
| 烏尼雷亞唔赦辛尼特 (文：朱楓) 烏尼雷亞同辛尼特兩支奇兵，今晚喺歐聯第3圈外圍賽首回合狹路相逢。雖然烏尼雷亞要借用布加勒斯特星隊主場，不過呢支羅馬尼亞新貴上屆分組賽喺呢個「主場」未輸過，加上今季陣容變化唔大，默契比上季更勝一籌，絕對有權頂住大事擴軍嘅辛尼特，一於捧1.75倍「讓球主勝」！（開賽時間：周三凌晨1:30） 烏尼雷亞係羅馬尼亞新興勢力，今屆就以羅甲亞軍身份打歐聯，上屆首次參戰，都打到最後一場分組賽先不敵史特加無緣晉級，表現令人刮目相看。由於本身主場只可容納7,000人，唔符合歐洲足協要求，所以每逢歐洲賽就借星隊主場頂檔，但表現絕不失禮，上屆分組賽就取得1勝2和，堪稱福地。 辛尼特作客先求穩陣 羅馬尼亞新球季已開咧，烏尼雷亞表現只係一般，當地傳媒都歸咎佢哋今季只買入3位球員，不過教練利維揚言唔再增兵係因為好滿意本身人腳，仲話隊波上下極之團結，有信心成功突圍。 08年歐協盃盟主辛尼特，上年尾成功聘請前羅馬教練史巴列堤執教，今屆以俄超季軍身份打歐聯，近期更大事增兵，先以1,100萬歐元由魯賓卡山買入射手布卡洛夫，加上前西維爾射手基沙哥夫坐鎮，啱啱喺俄超即以3:1輕取羅斯托夫，睇落對辦，但係打歐洲賽始終唔同聯賽，何況呢場係作客，相信辛尼特會以不敗為目標，等次回合返主場先解決對手。 |
|
:::相关资讯::: |