. 精彩栏目.
 
 
瓜達拉哈拉抖夠智在必得 (亨格比利)
2010-7-27　 [大字体] [中字体] [小字体]
瓜達拉哈拉抖夠智在必得
(文：亨格比利)

南美自由盃4強聽朝開打，瓜達拉哈拉率先喺自己地頭恭候智利大學。呢支墨西哥班霸上場聯賽收起部分主將，一眾球星亦都狂煲帶研究智利大學，備戰工夫做到足，對呢場4強首回合志在必得，要1.6倍主W。（有線61周三早上9:15直播）

狂煲智利大學比賽片段

瓜達拉哈拉上場聯賽同普埃布拉各一言和，教練雷亞收起咗馬加隆、麥甸拿同迪盧拿等主將，抖到夠晒應付聽朝場自由盃4強首回合。中場阿拿賀同副隊長雷諾素仲好鬼生性，晨早已經自發性備戰，煲過智利大學喺聯賽同自由盃嘅比賽片段，備戰咁充足絕對抵讚。



對家智利大學上場聯賽精銳盡出都要失分，教練比路素都相當不滿，兩日前抵達墨西哥出席記者會仲一路批評球員狀態差，加上國腳級左閘伊斯查達已經轉戰法甲，冇咗呢位罰球專家在陣，又少一道進攻板斧，造訪艾斯迪加球場唔慌有運行！



自由盃賽制



採主客兩回合淘汰制，今輪為4強首回合，若總比數相同，作客入球較多一隊晉級，再和則在次回合90分鐘後互射12碼分勝負。



:::相关资讯:::