. 精彩栏目.
 
 
山度士搵到新水喉戰意爆燈 (亨格比利)
2010-7-25　 [大字体] [中字体] [小字体]
山度士搵到新水喉戰意爆燈
(文：亨格比利)

今晚巴甲爆發聖保羅州打吡戰，由山度士主場硬撼聖保羅。雙方近況同樣衰到貼地，不過山度士喺2010年食住聖保羅，加上最近又搵到平治呢條新水喉，似乎黑氣漸過，主場出擊有力擊敗對手，要1.75倍主W。（開賽時間：周一凌晨3:00）

比利探母會班

兩支爭標熱門季初出閘脫腳，只能夠位處聯賽榜中游，當中山度士喺世盃休戰期過後更錄得3連敗，新星尼馬又盛傳會過檔車路士，負面嘢相當多。慶幸山度士有中堅杜禾同中場保羅漢歷基查加斯齊齊刑滿復出，教練杜利華祖利亞今場可以派強陣出擊。



加上「球王」比利尋日特登探母會班，喺訓練場為山度士球員打氣，比利咁畀面，班球員當然要踢番場爭氣波！

今年3挫聖保羅

亨格比利仲收到風，知道平治贊助咗架新隊巴畀山度士，巴士上面每位球員可獨享無線上網、音響設備同DVD機等裝備，叉足晒電照計落場會有好表現。況且山度士今年3度擊敗聖保羅，淨係心理上都有一定優勢。



對家聖保羅近3場聯賽都失分，狀態唔好得山度士幾多，最慘係左閘祖利亞施薩停賽，箭頭費南達奧同達高巴圖分別因肌肉受傷缺陣，攻守能力有所削弱，造訪山度士想唔輸都難！



:::相关资讯:::