. 精彩栏目.
 
 
藍翼當起打鐵趁熱 (樂比堅尼)
2010-7-25　 [大字体] [中字体] [小字体]
藍翼當起打鐵趁熱
(文：樂比堅尼)

今日三場韓職，樂比仔推介脫胎換骨嘅水原藍翼。水原藍翼早前委任尹成孝擔任新教練，佢領軍三仗三戰三勝，成功幫球隊大變身，今仗對住聯賽超過四個月未贏過嘅浦項制鐵，有得受讓平半實在太筍，樂比仔支持下盤。



（周日晚6時開賽）



水原藍翼季初由名宿車範根執教，雖然佢成功帶領藍翼打入亞冠盃八強，但由於聯賽成績太差，領軍至六月初便被辭退，新上任嘅尹成孝本來係二隊教練，對一隊球員嘅特性同踢法相當熟悉，所以佢一上任後，藍翼就即刻上軌道，首仗韓聯盃互射十二碼淘汰釜山偶像，上周聯賽以三比一擊敗FC大邱，而上周中韓足盃亦以四比一大勝水原，三戰全勝令球隊士氣大幅提升。

浦項制鐵星散

雖然水原今仗有中堅郭熙柱受傷，但近期踢左閘嘅李瑋峰，可移番入中路，對後防影響唔大，進攻方面，新加盟嘅前日本國腳高原直泰未出得住，但巴西外援荷西莫達狀態唔錯，中場白智勳上仗亦梅開二度，水原藍翼有水、有原、有翼，「海陸空」瓣瓣都掂，今場可反客為主。



浦項制鐵雖然貴為上屆亞冠盃冠軍，但今季教練同主力先後鬆人，已淪為下游球隊，正一係出爐鐵，仲係好脆弱，依家個盤咁硬淨，只因盛名所累，實情佢哋聯賽已連續十場未贏過，今場仲學人讓波，梗係捧當頭起水原藍翼啦！



:::相关资讯:::