|
. 精彩栏目. |
|
新兵對辦多倫多筍讓平半 (重炮手)
2010-7-24
[大字体]
[中字体]
[小字体]
|
| 新兵對辦多倫多筍讓平半 (文：重炮手) 近排美職聯頻頻有新援亮相，繼紐約紅牛射手亨利之後，FC多倫多今晚就有前華倫西亞射手米斯達作聯賽處子戰，配合另一新加盟無耐嘅前鋒馬爾干山度士，數胡能力大增，主場唔難擊敗FC達拉斯，多倫多小讓平半玩上盤！（now633台周日凌晨4:00直播） 達拉斯作客失波多 喺西甲搵過食嘅米斯達，先後効力過華倫西亞、馬德里體育會及拉科魯尼亞，雖然近年已不復當年勇，不過憑佢嘅經驗嚟到水準次一級嘅美職，應該仲可以也文也武，喺上場對保頓嘅熱身賽，就係由佢助攻畀馬爾干山度士入波，可見佢哋兩個新兵有唔錯化學作用，唔擔心唔夠默契。 雖然FC多倫多只能於熱身賽1:1打和保頓，最後互射12碼仲要輸波，不過該仗唔少主力，好似中場迪羅沙里奧及迪根斯文都冇落場，擺到明聯賽行先。 對家FC達拉斯冇錯近5戰取得4勝1和，但係勝仗主要嚟自主場，相反作客麻麻，聯賽7戰有6次未能保住清白之身，對住鋒力加強嘅多倫多輸波並唔出奇。 |
|
:::相关资讯::: |