|
. 精彩栏目. |
|
多倫多大踢爭氣波水 (Mic少)
2010-7-24
[大字体]
[中字体]
[小字体]
|
| 多倫多大踢爭氣波水 (文：Mic少) 周日凌晨至朝早有三場美職，頭場上演FC多倫多主場對FC達拉斯。FC多倫多今季聯賽主場八次出擊未嘗一敗。不過FC達拉斯亦弗爆，近五仗取得四勝一和，前中後三線球員都有數胡能力，兩強相遇應有一番激鬥，捧入球大。（now633周日凌晨4時直播） FC多倫多上仗作客補時失波，輸畀費城聯的確唔抵。好彩佢哋聯賽主場戰績一流，八戰取得五勝三和，今仗返回自己地頭，更加要趁機力爭重敲勝鼓。FC多倫多中前場球員質素佳，中場迪羅沙里奧已有八球進帳，前鋒查特巴列特亦射入咗五球，加上球隊早前簽下巴西前鋒馬爾干山度士，攻力進一步加強，入波唔成問題。 FC達拉斯近五場贏咗四場，包括上仗擊敗衞冕總冠軍皇家鹽湖城，狀態大勇，球隊前中後三線球員都識入波，一對前鋒謝夫根寧咸同艾迪巴夏利斯已合共貢獻七個入球，中場大衞費拉拿近四仗入三球，甚至連後衞碧舒亞都已有四球進帳。以FC達拉斯目前勇態，同FC多倫多火併大手交易機會高。 戴拿模腳軟要反 另一場哥倫布機員主場對侯斯頓戴拿模，戴拿模近期經歷連場北美超級聯賽，球員踢到腳軟，而且佢哋近兩次作客機員都輸波而回，睇怕今場凶多吉少，捧機員主勝。 |
|
:::相关资讯::: |