. 精彩栏目.
 
 
撐飛腳踢爆水手 (蘇豪)
2010-7-24　 [大字体] [中字体] [小字体]
撐飛腳踢爆水手
(文：蘇豪)

日職今日直播重頭戲由橫濱水手主場對大阪飛腳，飛腳上半季踢到走晒樣，但因佢哋已於亞冠盃出局，下半季可疊埋心水打聯賽，上場戲劇性擊敗浦和紅鑽，表現已有復甦迹象，現時仲有大把提升空間，今次作客水手可再贏，平手盤捧飛腳！（now633周六晚６時直播）

近兩次作客都贏2:1

大阪飛腳貴為日職頂級球隊之一，現時排緊第八位，粉絲們一定唔收貨。佢哋上半季問題多多，巴西射手柏度祖利亞扭計離隊，中場指揮官遠藤保仁狀態低沉，加上前線射手排住隊受傷，長期唔齊腳下，仲要兼顧亞冠盃，搞到戰績低落，排名絕對反映唔到佢哋嘅真正實力。



不過，現時情況已有改善，會方簽下南韓國腳級射手李根鎬，新仔宇佐美貴史亦愈踢愈生，中前場人腳甚強。大軍上周主場對紅鑽，下半場中段領先一球但踢少個，補時兩分鐘畀對手扳平，但遠藤保仁一開番波就射入奠勝球，協助球隊取得關鍵三分，贏波兼贏士氣。



橫濱水手上周作客廣島三箭淨吞三蛋，踢落冇段好睇，主帥木村和司決心求變，有意派十七歲年輕前鋒小野裕二攻堅，班波已經夠多小將，今次仲要搵個咁嫩口，好打有限。再睇埋績，飛腳近兩次作客水手贏晒，同樣開出二比一波膽，贏開有條路，平手盤可捧飛腳。

維加泰讓唔起天鵝

同日仙台維加泰主場對新潟天鵝，天鵝已經保持七場聯賽不敗，氣勢甚勁，反觀維加泰愈踢愈曳，上周作客同級球隊山形山神輸一比三，今場冇能力讓波，「讓球客勝」有計！



:::相关资讯:::