|
. 精彩栏目. |
|
「破壞王」艾辛累小粉絲爆缸 (亨格比利)
2010-7-23
[大字体]
[中字体]
[小字体]
|
| 「破壞王」艾辛累小粉絲爆缸 (文：亨格比利) 斟介山度士新星尼馬遇阻滯，門將施治又操練受傷，車路士領隊安察洛堤唔煩就假，唯一令佢老人家安慰嘅，肯定係養傷多時嘅艾辛健健康康回歸。艾辛踢法出名硬淨，估唔到佢一復出就搞到人受傷，破壞力認真驚人！ 藍戰士憑住艾辛一箭定江山，喺上星期六對水晶宮場友賽贏波，焦點所在嘅艾辛由頭到尾都咁搶鏡，開波前仲有幕殺錯良民嘅好戲添。事緣賽前熱身嗰陣，艾辛施展猛虎射球，點知龍門射唔中，反而射到龍門後面嘅小球迷爆晒缸。 食波餅需入院治療 艾辛知衰即時衝埋去安慰嗰小朋友，不過呢個小球迷就愈喊愈大聲，艾辛隨即示意叫軍醫嚟幫手，及後個小球迷就喺媽咪陪同下去咗醫院接受治療，搞到艾辛相當唔好意思。睇在艾辛養傷超過7個月，腳法有啲生疏無可避免，希望個小朋友同家姐體諒，原諒艾辛啦！ |
|
:::相关资讯::: |