. 精彩栏目.
 
 
蘇亞雷斯回歸阿積士攞威 (朱楓)
2010-7-23　 [大字体] [中字体] [小字体]
蘇亞雷斯回歸阿積士攞威
(文：朱楓)

阿積士教頭祖爾尋日終於公開表示唔會轉教富咸，相信可大大提升球員士氣，加埋一班世盃主力包括蘇亞雷斯已經歸隊，並視呢場波為歐聯外圍賽前一次預演，今晚對住啱啱有門將施治打柴，只係半力出擊嘅車路士，絕對係坐和望贏格局，1.95倍「讓球主勝」穩陣！（now633台及廣東體育周六凌晨0:00直播）



阿積士教練祖爾一直希望重返英超發展係不爭事實，近排就畀富咸挖角，不過由於阿積士堅持唔放人，所以祖爾尋日公開表示暫時唔會離隊，雖然睇落有啲無奈，但仍顯示出對球會有情有義。

祖爾表態留隊士氣升

其實祖爾早前表示想離開阿積士，全因球會想賣走蘇亞雷斯同雲達韋爾等喺世盃彈起嘅球星套現賺番筆，不過日前有傳阿積士已終止同拜仁傾賣走雲達韋爾嘅交易，呢個亦可能係祖爾留隊嘅最大主因。呢位荷蘭新進右閘，喺啱啱禮拜三已聯同之前有份打世盃嘅一班球星，包括蘇亞雷斯等歸隊，據講今晚好大機會獲派上陣，目的係畀佢哋盡快入局，備戰下周二舉行嘅歐聯外圍賽第3圈主場對PAOK嘅首回合賽事，戰意唔慌差得去邊。



朱楓賽前睇過車仔官網，話之前喺世盃分組賽出局嘅球星，好似前鋒杜奧巴、中場馬隆達同後防伊雲洛域已經歸隊，尋日仲恢復操練，但領隊安察洛堤表示今場同上場贏水晶宮一樣會以新仔掛帥，前線好大機會繼續起用由布力般回歸嘅迪山度同史杜列治，至於中場就由艾辛同約翰米基爾兩名啱啱傷愈復出無耐嘅非洲球星孭飛，後防就更加得阿歷士洛里高見得吓人。

施治打柴艾辛孭重飛

本來施治會把守最後一關，都可能仲頂得住，點知呢位捷克門將啱啱喺練波時受傷要抖1個月，無論由希拉里奧定端布爾把關，都始終難令人放心，呢場半力出擊讓波絕對玩唔過！

阿積士後防唔算穩

近8場獲6勝1和1負，當中只有2場保持清白。近10次主場獲8勝1和1負，入49球失6球。車路士對賽未輸過近8場獲7勝1負，半場只試過1次落後。近2次交手未嘗敗績。


:::相关资讯:::