. 精彩栏目.
 
 
車仔二線兵都夠殺 (樂比堅尼)
2010-7-23　 [大字体] [中字体] [小字体]
車仔二線兵都夠殺
(文：樂比堅尼)

今晚有一場戲碼十足嘅熱身賽，由阿積士主場對車路士。雖然阿積士開操早過車仔，但佢哋下周中將出戰歐聯外圍賽，大戰當前，今場肯定唔會搏，樂比仔相信半力出擊嘅車路士，今場可輕取阿積士，客勝有1.7倍趁熱食。（now633周六凌晨零時直播）



荷蘭足球水準每況愈下，即使強如班霸阿積士，喺歐洲賽已經冇碇企，上兩季只能踢次級水平嘅歐霸及足協盃，再前兩季亦喺歐聯外圍賽出局，可見佢哋同四大聯賽嘅水平愈來愈遠。阿積士今季得以重返歐聯，但外圍賽卻面對強敵希臘PAOK，阿積士為免重蹈多年前覆轍，今次肯定謹慎對待，大戰前安排場無關痛癢嘅熱身賽，想班球員去盡都幾難。

蘇亞雷斯九成唔上陣

事實上，阿積士雖然喺七月初已踢熱身賽，但對手大多實力平庸，好似贏業餘球隊賀斯特二十一比一，又有乜意義？陣中兩名絕對主力蘇亞雷斯及雲達韋爾，踢完世界盃後前日先歸隊，今場九成唔會上陣，冇咗蘇亞雷斯呢位上季射入三十五球嘅射手，阿積士攻力起碼減半。

藍戰士熱身賽勝率76%

車路士方面，今場係佢哋第二場熱身賽，上仗「藍戰士」有阿歷士洛里高、施治、約翰米基爾同艾辛四名主力壓陣，結果以一比○小勝水晶宮，傷愈復出嘅艾辛表現省鏡，而且仲射入一粒，大大增強佢嘅信心。



預計車仔今場都會以後備球員為主，不過車仔班後生仔實在太厲害，以上季由車仔借到川迪嘅史度治為例，喺荷甲都可以踢到曉飛，可見車仔班後備球員，實力遠喺阿積士之上，如果仲未夠信心，畀多個數據大家，車仔近三年季前熱身賽成績為十三勝三和一負，勝率有76%，今場一於支持車仔啦！



:::相关资讯:::