. 精彩栏目.
 
 
銀河強勢「主勝」有理 (朱楓)
2010-7-22　 [大字体] [中字体] [小字体]
銀河強勢「主勝」有理
(文：朱楓)

洛杉磯銀河今季有幾勁？睇吓足足有5人入選最近公布嘅美職明星隊就知！難怪中場碧咸都開口叫朗拿甸奴加盟，聽朝喺美職主場對住鋒力疲弱嘅聖荷西地震，大勝冇難度，一於捧「讓球主勝」！（開賽時間：周五早上10:30）

5將入選明星隊

隨住上場作客擊敗華盛頓聯隊後，銀河暫時喺美職以39分帶出，足足拋離第2位嘅哥倫布機員8分，所以銀河前鋒艾臣布度、當路雲、後衞奧馬干沙利斯同門將當奴雲歷格斯最近齊齊被球迷、傳媒同美職教練選入美職明星隊最佳11人，並由教練艾連拿領軍，備戰嚟緊對曼聯嘅表演賽。雖然中場碧咸仍未傷愈，不過「萬人迷」日前就公開呼籲朗拿甸奴過檔銀河，可見銀河依家個勢有幾勁。



至於啱啱喺熱身賽主場同熱刺打成0:0嘅聖荷西地震，賽後就被美國傳媒插，對住長途跋涉、疲憊不堪嘅熱刺竟然食白果實在唔合格。事實上，地震近期入球能力的確一般，對上5場只入得3球，當中有2球更係喺尾3嘅費城聯身上取得，聽朝對住人強馬壯嘅銀河，睇怕都係凶多吉少！



:::相关资讯:::