. 精彩栏目.
 
 
保地博反彈「客勝」啱Key (亨格比利)
2010-7-22　 [大字体] [中字体] [小字体]
保地博反彈「客勝」啱Key
(文：亨格比利)

巴甲聽朝繼續有好戲碼，由史高拉利領軍嘅彭美拉斯會喺主場恭候保地花高。「大菲」回巢冇耐仲要時間摸索隊波，加上今仗陣容不整，即使有地利都信唔過，寧捧變陣出擊博反彈嘅保地花高，要1.95倍「讓球客勝」。（開賽時間：周五早上8:00）



史高拉利上星期首度領軍就有個好開始，率領彭美拉斯2:1擊敗山度士，但咪忘記後者正值低潮，勝仗唔足以反映呢支「巴甲綠軍」嘅狀態。無疑新加盟嘅射手基拔表現對辦，上場聯賽亦已經開齋，不過門將馬高斯同後衞保羅艾美路只係啱啱復操，副隊長達尼路同里奧亦要坐波監，防線可謂充滿隱憂。

近6次交手保地花高不敗

保地花高呢邊嘅人腳就完整得多，中堅安東尼奧卡路士刑滿復出，教練祖爾辛坦拿為咗改善近期嘅差劣戰績，連日嚟頻頻喺操練時試新陣，巴西傳媒就預計佢老人家會轉打442陣式，並且會畀機會艾奴羅拔圖、祖比臣李安度同連拿度卡查落場，呢幾位二線兵為爭上位實搏老命取悅主帥。



睇番近期戰績，保地花高近3場作客波都輸晒，不過當中對手有高士路同法林明高兩大勁旅，兩場敗仗都係僅輸1球算係有交代，聽朝造訪後防穿大窿嘅彭美拉斯有權止頹勢。況且雙方近6次交手，保地花高都立於不敗之地，往績一啲都唔輸蝕，「讓球客勝」博得過。



彭美拉斯近戰頻開細



‧近6場巴甲有4場開入球細。‧今季巴甲主場出擊，未試過半場落後。保地花高半場唔易輸‧近6次交手錄得3勝3和佳績。‧今季4場巴甲作客賽事只係試過1次半場落後。


:::相关资讯:::