. 精彩栏目.
 
 
銀河弗到震鑊氣勁 (Mic少)
2010-7-22　 [大字体] [中字体] [小字体]
銀河弗到震鑊氣勁
(文：Mic少)

明早有一場美職聯賽上演，洛杉磯銀河主場對聖荷西地震，呢場屬於加州打吡戰，雙方不但要搶分，亦要為面子而戰，特別銀河喺自己地頭出擊更加唔衰得。呢支榜首勁旅上仗及時回勇贏波，加上今季聯賽主場勝出率達86％，相信今場可以輕取地震，銀河「讓球主勝」有2.15倍值博。



（周五早上10時30分開賽）



銀河早前表現一度跌Watt，先後於美聯盃及聯賽輸波，好彩球隊上仗以二比一擊敗華盛頓聯隊，總算及時止血，最重要係兩位美國國腳當路雲及艾臣布度都有波入。呢兩位射手上月踢完世界盃後一度出現疲態，表現未如理想，兩人如今終重拾射門鞋，可望提升球隊攻力。



另外，今仗屬於加州打吡大戰，銀河更加希望喺主場贏得漂亮，應該會力爭盡數對手，佢哋今季聯賽入球數字僅次於皇家鹽湖城，只要銀河肯使出真功夫，要淨贏地震兩球或以上並唔困難。

地震近六仗僅一勝

聖荷西地震近六場聯賽只贏得一場，今次到訪洛杉磯，睇怕都係捱打居多。事實上，地震自從○八年重返美職之後，兩次作客銀河都吞雙蛋而回。以地震目前低迷狀態，再次大敗並唔出奇。



:::相关资讯:::