. 精彩栏目.
 
 
德西大戰等睇加時 (黃興桂)
2010-7-7　 [大字体] [中字体] [小字体]
德西大戰等睇加時
(文：黃興桂)

德國先後大破英格蘭及阿根廷，球迷漸漸將「日耳曼戰車」視為今屆最佳隊伍，然而西班牙號稱「地上最強」，高手過招勝敗一線之差，今仗勝負已變成並非實力高低嘅問題，而係看誰先犯錯嘅問題。



犯錯係足球比賽嘅一部分，喺高水平球賽，雙方都會先盡量避免自己犯錯，再去尋找對方嘅失誤；巧合嘅係，德國與西班牙今屆都曾經犯錯，分組賽階段，德國曾以○比一不敵塞爾維亞，西班牙亦於首戰以○比一敗於瑞士腳下。分組賽犯錯對佢哋嚟講可能係好事，令佢哋及早發現問題，有時間修補錯處。

西班牙技術高層次

德國同西班牙各有長處，德國年輕有活力，不過年輕人又容易犯錯，所以德國今場嘅晉級機會，只是五五之數。



至於西班牙優勢在於球員實力平均，全隊控球能力高，而且長期合作默契熟到爛，隊友之間心靈相通，合埋眼都知隊友點走位，因此別看西班牙連續幾場只能小勝對手，球隊展現出嚟嘅足球，實在係好高層次。



兩大勁旅火併，Peter講唔出邊隊會贏，在此勢均力敵場合，九十分鐘和波係最正路賽果，而今場決定勝負嘅關鍵，就係誰先犯錯，雙方錯誤或會在加時發生，亦可能在互射十二碼時出現。



:::相关资讯:::